Page 439 - index Bapaeva

***
Өсетін елдің қарты
Қазына болар.
Өспейтін елдің қарты
қазымыр болар.

***
Қарт келсе, ақылдың қосылғаны,
Жас келсе, батырдың қосылғаны.

***
Жастың ашатын жаңалығы көп,
Қарттың зерттейтін даналығы көп.

***
Сексенде сегіз байлық,
Сегіз жарлық.

***
Елу – шылбырдан алды,
Алпыс – тізеден алды,
Жетпіс – өре салды.
Сексен – тұсау салды,
Тоқсан – толқып қалды.

***
Алпыс – дер шағы,
Жетпіс – мәр шағы.
Сексен – жер шағы,
Тоқсан – шер шағы,
Жүз – қор шағы.

***
Аулыңда қария болса, жазып қойған хатпен тең.

***
Жақсы адам қартайса,
Жазып қойған хаттай.
Жаман адам қартайса,
Бықсып жанған шаладай.

***
Қарттықтың жауы – жалғыздық.

439

⇐ МАЗМҰНЫ