Page 102 - index
P. 102
риялау, ақпарат беру қызметтерімен бірлесе жүргізіледі, өйткені
әсер ету мен ақпарат беру қызметтерінің өзара әрекеттесуі
қоғамдық пікірлерге тіл арқылы ықпал жасаумен тығыз байла-
нысты. Ал қоғамдық пікірге тіл арқылы ықпал жасау өмірдегі –
әлеуметтік, саяси, мәдени, ғылыми, рухани, экономикалық, т.б.
ағымдық өзекті оқиғалар мен фактілер туралы ақпараттарды
сөзбен жеткізуге негізделеді. Публицистикада әсер ету қызметі
ерекше мәнге ие: егер ғылымда автор адресаттың ақылына
жүгініп, белгілі бір ережелерді логикалық негіздермен немесе
нақты есептермен дәлелдесе, публицист-автор оқырманға эмо-
ционалды әсер ету жолымен ой салады, сендіреді, сондықтан ол
хабарланатын оқиғаға өзінің қатынасын ашық білдіреді. Мұндай
қатынастың әрдайым жеке адамның көзқарасын ғана емес, соны-
мен қатар белгілі бір әлеуметтік топтың, таптың, тіпті, партияның
көпшілікке арналған ұстанымын да білдіретінін естен шығармау
керек.
Публицистикалық стильдің әсер етушілік қызметі мәтіннің
саясилығымен, оның идеологиялық бағытымен тығыз байла
нысты. Хабарланған оқиғаларға жасалған талдаулар оған, соның
ішінде қоғамдық-саяси жағынан да түсініктемелер мен бағалау
жасайды. Әсер етушілік қызмет тілдік және тілдік емес жүйе
лер арқылы жүзеге асырылады. Публицистикалық стильдегі
шығ арма болған оқиға ретінде газетте хабарды да (ақпараттық
қызмет), оқырманның, тыңдарман мен көрерменнің саяси сана-
сына ықпал ететін құралдармен жеткізілген осы фактілер тура-
лы көзқарастарды (әсер етушілік қызметі) да қамтиды. Газеттегі,
жалпы публицистикадағы ақпараттар басқа стильдерде берілген
ақпараттардан үгіт-насихаттық және ұйымдастырушылық сипа-
тымен де ерекшеленеді.
Публицистикалық мәтін өзінің тілдік құрылымында өзекті,
маңызды ақпараттарды және оларды түсіндіруді қамтиды. Ол
түсіндірулер жоғары мәнерлі, эмоционалды-экспрессивтік бояу
мен көмкеріліп, оқырманның қызығушылығын туғызатындай
болуы тиіс. Журналист-автор өмірдегі адамдар, фактілер,
оқиғалар, саяси күштер туралы хабарлайды. Хабарлай отырып,
оқырманға (көрермен, тыңдарманға) және оның өмірлік таны-
102
⇐ МАЗМҰНЫ