Page 36 - index
P. 36
ре отырып, эксрталингвистикалық негізді басты, айқындаушы
принцип деп есептейді. Кейбіреулері эксрталингвистикалық
негіздің маңыздылығын мойындай отырып, лингвистикалық
негіздерге: стилистикалық бояулы құралдарға, олардың бей-
тарап құралдармен қатынасына, тілдік бірліктердің және тұтас
стильдің ерекше функцияларына, типтік стильдік сипатына жә
не т.б. басымдық беруге тырысады. Академик В. В. Виноградов
тілдің негізгі функцияларын (қатынас, хабарлау, әсер ету) ескере
отырып, алты функционалды стильді көрсетеді: «Тілдің қатынас,
хабарлау, әсер ету сияқты қоғамдық маңызды функцияларын
бөлу барысында төмендегідей стильдерді ажыратуға болады:
күнделікті-тұрмыстық (обиходно-бытовой) (қатынас функция-
сы); күнделікті-іскерлік (обиходно-деловой), ресми-құжаттық
(официально-документальный) және ғылыми (хабарлау функ-
циясы); публицистикалық және көркем-беллетристикалық (әсер
ету функциясы)» [6,6]. Бұл стильдердің барлығы да қатынас ба-
рысында екі формаға ие: жазбаша және ауызша. Сөйлеу форма-
сы стильдерге әсер еткенмен, олардың мәнін өзгерте алмайды.
Мысалы, ғылыми стиль – лекция, ғылыми баяндама, әңгімелесу
сияқты ауызша формаларында да ғылыми стиль ретінде қалады,
сонымен қатар бұл форма оған өз түзетулерін де енгізеді. Сөйлеу
стилі өзіне тән басымдықтары мен кемшіліктерін қамти оты-
рып ауызша формада жүзеге асырылатыны белгілі. Сондай-ақ,
ол жазбаша формада (тұрмыстық, бейресми хат алмасулар),
магнитофондық ленталарда немесе грамжазбаларда қолданылуы
мүмкін.
Бұдан, стильдерді жіктеу барысында тілдің бір ғана маңыз
ды функциясына сүйенудің, сондай-ақ басқа да лингвистика-
лық және экстралингвистикалық көрсеткіштерді қамтымаудың
жеткіліксіздігін, тіл функциясының стильдің санынан аз екенін
көруге болады. Сонымен қатар белгілі бір стильде тілдің көр
сетілген «қоғамдық маңызды функциясының» біреуінің ғана
қатысуы да сенімсіз. Әдетте әртүрлі деңгейде болса да, олардың
барлығы бірдей қатысады. Кез келген стильдің мәтіні бір нәр-
сені хабарлайды және белгілі бір деңгейде тыңдарман мен
оқырманға әсер етуге тырысады.
36
⇐ МАЗМҰНЫ