Page 134 - indexf

2) шекті құны – 1 шаршы метр үшін 80 мың теңгеден 100 мың
теңгеге дейін;

3) орташа айлық төлемнің шамасы – 50 мың теңге.
Мемлекет:
1) эконом-сыныпты шағынгабаритті тұрғын үйді жобалау, салу
және сату, олардың жайлылығы 3 және 4 сыныптан жоғары емес;
2) төлемдердің берілген деңгейін қамтамасыз ету үшін Қазақ-
станның «Тұрғын үй құрылыс жинақ банкі» және «Қазақстандық
ипотекалық компания» сияқты қаржы институттарын дамыту арқылы
қолдау көрсетеді.
Халықтың тұрғын үйге сұранысын қамтамасыз ету мәселелері
Қазақстан Республикасы Үкіметі қаулысымен 2014 жылдың 31 нау-
рызында енгізілген өзгерістермен бекітілген «Қолжетімді тұрғын үй –
2020 бағдарламасында» көрсетілген.
Сонымен қатар, бұл бағдарламада республикамыздың әртүрлі
өңірлердегі құрылыстың жағдайы ескеріле отырып, тұрғын үйдің
бұдан да ауқымды параметрлері көзделген [33].

Бақылау сұрақтары:

1. Жылжымайтын мүлік нарығын жетілдіру дегенді қалай түсінесіз?
2. Түркияның тұрғын үй құрылысын дамыту жөніндегі бағдарламаларды

Қазақстан Республикасында қолдану тиімді ме? Осы мемлектте
қалыптасқан басқа қандай бағдарламалар туралы ой қоса аласыз?
3. Германияның тұрғын үй нарығында қалыптасқан жағдайлар туралы
не айта аласыз?
4. Белорусь Республикасында құрылысты ынталандыру үшін қандай
жағдайлар жасалған?
5. Ресей Федерациясында жылжымайтын мүлік нарығын дамытудың
қандай мәселелері өзекті болып табылады?
6. Қазақстан Республикасында жылжымайтын мүлік нарығында қандай
шетелдік тәжірибені енгізген тиімді деп ойлайсыз?

134

⇐ МАЗМҰНЫ